Maranatha Media: South Africa
Gepubliseer Aug 19, 2021
Laaste opdatering Aug 18, 2021
Bladsye 56
Downloads 20

Ander tale

नेपाली

Die verhaal van die wêreldwye vloed en die vernietiging van Sodom en Gomorra is vir baie mense ontstellend. Sal God werklik derduisende mense verdrink of verbrand, net omdat sy genade tot ‘n einde geloop het en die verpletterende hand van die gereg nie meer weerhou kan word nie? Sal ‘n God van liefde so iets doen? Vir baie mense is dit verwarrend.

Baie mense bespot en verwar die “ewige evangelie” as gevolg van die boodskappe wat uitgaan van ons kansels af. Hierdie boodskappe beskryf God as die baas van ‘n globale Mafia met ‘n afpersingskema gemik op die inwoners van die aarde, sodat Hy die aanbidding kan verkry –

“Doen soos ek sê of ek maak jou dood!”

Die ware “ewige evangelie” is dat ons Vader ons nie in die hemel inbring met ‘n doodsdreigement om gehoorsaamheid af te dwing nie. Sy wet is ‘n geskrewe kopie van Sy karakter en sy wet dui aan, “Jy mag nie doodslaan nie.” Christus se kruisdood het die leuen, dat God dreig om rebelle dood te maak, tot niet gemaak. Die Kruis openbaar dat God almal wat Hom verwerp, aan hul eie keuses oorlaat.