‘n Kampvuur-kuier klink heerlik! Wat sal gebeur as daar iemand is van wie jy nie hou nie? Daardie paar uur kan baie ongemaklik vir almal om die vuur wees.

Stel jou nou voor dat jy uitgenooi word om die ewigheid saam met God om sy kampvuur deur te bring. Ongelukkig het jy soveel slegte dinge van Hom gehoor… Waarom moet jy die ewigheid deurbring met iemand wat ‘n beheervraat en kwaai is, iemand van wie jy glad nie hou nie? Wel, dit mag die slotsom wees waartoe jy gekom het omtrent God, uit wat jy van Christene sowel as nie-Christene gehoor het.

Sê nou ons is almal mislei? Sê nou Hy is nie die beheervraat-boelie wat mense Hom uitgemaak het nie? Sê nou Hy is werklik ‘n Vader wat eintlik slegs die beste vir Sy kinders wil hê en naby hulle wil wees? Hoe kan Hy ons wanopvattings van Hom verander en dit vervang met ‘n verlange om tuis by Hom, ons Pappa, te wees? Lees gerus hoe ons hemelse Vader probeer om dinge vir ons reg te stel, in die hoop dat ons van gedagte omtrent Hom sal verander. Hy het nog nooit Sy gedagte omtrent ons verander nie.